افحص قبل
ما تدفع
حط رابط المتجر، أو الآيبان، أو رقم المرسل، أو حساب السوشيال قبل ما تحوّل، ونوريك وش لقينا بالتفصيل.
47 جهة نراقب المواقع اللي تقلّدها
إذا كان الرابط قريب من اسم وحدة منها، يطلع لك تنبيه في النتيجة.
الشعارات والعلامات التجارية ملك أصحابها، ونعرضها فقط لأننا نكشف المواقع التي تنتحلها. عرضها لا يعني شراكة أو اعتماداً من أي جهة.
المتجر شكله مرتب،
والموقع عمره أسبوع
تشتري من حساب في انستقرام أو متجر ما سمعت فيه، أو توصلك رسالة فيها رابط. من برا كل شي يبان طبيعي، والفرق في تفاصيل ما تشوفها عادة. ولو صارت المشكلة، تلقى نفسك ما عندك شي مرتب تقدمه للبنك أو للشرطة.
كيف يشتغل
الصق الرابط أو الرسالة
رابط المتجر، أو الرسالة اللي وصلتك، أو صورة لها. تقدر تبدأ بدون حساب.
نفتحه ونفحصه من أكثر من جهة
نتبع الرابط لين الصفحة الحقيقية حتى لو كان مختصر، ونشوف وش تطلب منك ووين ترسل اللي تكتبه. وبعدها نفحص عمر الموقع واسمه وشهادته ومين مستضيفه وقوائم التصيد.
تشوف النتيجة وسببها
موثوق أو مشكوك أو احتيال، وتحت كل نتيجة السبب اللي خلانا نقولها. والقرار في الأخير لك.
كل نتيجة معها دليلها
وش نفحص بالضبط
كل فحص يشتغل لحاله ويطلع نتيجته مع السبب، وبعدين نجمعها في درجة وحدة. ولو فحص واحد لقى شي خطير، ما يضيع بين الباقي.
وين يوديك الرابط
نفتح الرابط من سيرفرنا ونتبع كل التحويلات، حتى الروابط المختصرة، لين نوصل للصفحة الحقيقية.
وش في الصفحة
نقرأ الصفحة بدون ما نشغّلها: هل تطلب بطاقة أو رمز تحقق، ووين ترسل اللي تكتبه، وهل تتكلم باسم جهة مو لها.
حيل الرابط
روابط مكتوبة تخدع العين، مثل absher.sa@موقع-ثاني، أو حروف من لغة ثانية تشبه الإنجليزية، أو استضافة مجانية.
عمر النطاق
متى انسجل اسم الموقع؟ مواقع النصب غالباً عمرها أيام أو أسابيع.
كشف الانتحال
هل الاسم قريب من بنك أو جهة حكومية أو متجر معروف؟ مثل abshr بدل absher.
شهادة SSL
هل الموقع يفتح باتصال مشفّر؟ ومين أصدر شهادته ومتى؟
الاستضافة
في أي دولة السيرفر، ومين الشركة اللي مستضيفته.
قوائم التصيد
هل الرابط موجود في قوائم مواقع التصيد المعروفة؟ نحدّثها كل ساعة.
أرشيف الإنترنت
من متى الموقع موجود في أرشيف الإنترنت؟ اللي ظهر أمس غير اللي له سنين.
وش ما نسويه
ما نكشف هوية أحد
نقول لك هل الرابط أو الرسالة فيها مؤشرات نصب، بس. ما نطلع اسم أحد ولا عنوانه، هذا شغل الجهات الرسمية.
ما نتهم أحد
النتيجة تقول إن الرابط عليه مؤشرات، ما تقول إن صاحبه نصاب. وكل مؤشر معه سببه مكتوب تقدر تراجعه.
ما نحفظ رسائلك
الرسالة اللي تفحصها ما تنحفظ عندنا، والصورة تنقرأ على جهازك نفسه وما ترتفع لنا.
الأرقام إلى اليوم
نحسبها مباشرة من قاعدة البيانات، وما فيها أي معلومة عن أشخاص.
مستخدم مسجّل
شخص استخدم الموقع خلال 30 يوماً
فحص منذ الإطلاق
نتيجة طلعت احتيال
نتيجة طلعت مشكوك فيها
رابط فُحص
رسالة فُحصت
لقطة شاشة فُحصت
أسلوب نصب نعرفه في الرسائل
جهة نراقب المواقع اللي تقلّدها
صناعة سعودية
سوّيناه هنا في السعودية، لأن أغلب النصب اللي نشوفه محلي: رسائل باسم البريد والبنوك وأبشر، ومكتوبة بلهجتنا.
يفهم رسائل النصب باللهجة السعوديةيعرف الجهات المحلية اللي ينتحلونها